الدنيا غالية كان علي جماعة التاسيسي

بسم اللــــــــــه الرحمان الرحيم و بعد ان اقسم الســادة النواب علي خدمة الوطن و المواطنين فانو كنت احلم بمداخلة خيالية لاخد السادة الاعظاء راجيا فيها الزملاء التخلي عن المبالغ المالية او الجزء منها خاصة و ان اغلب السادة الاعضاء من المجلس يتمتعون بدخل محترم و التخلي عن هذه المنخة لن يضر احدهم و لكن بالامكان ان تكون تنازلتهم جد فعالة و مفيدة لفائدة العديد من ابناء هذا الوطن. و الحقيقة العضو اللذي كنت انتضر مداخلته سيتمتع باعلي راتب في العام القادم. انتضرت مداخلة منه بهذا الشان لما سمعته من الحان  عن كساوي بن علي و بذخ ليلي الطرابلسي. السبد اللي كنت نستني في مداخلتو هو من الاشخاص اللي لطالما نادت بنة الزوالي يعيش. . الزوالي اللي الناس الكل تعرف فيه اللي عدي عمرو الكل يقري و فيهم اللي ماقراس فيهم جميع التوانسة بكل اطيافها و جهاتها . الزوالي اللي صدق وعود السياسين و حط ثقتو فيهم يستني مبادرة السياسيين الان. يعني بالامكان نقول اني في صدمة  من التفاوت الضخم في الاجور. و كاينو الدنبا غلات كان علي جماعة التاسيسي. 

اكثر لغز يحيرني في تونس

نعم الالغاز كثيرة في تونس و لكن اهمها هو لغز عبد السلام جراد .هذا الرجل كان في اواخر بن علي يتقرب لبن علي و كان المساند الصحيح له و بعد شوية و بصحة رقعة اصبح المساند الرسمي للثورة . عبداللـــــــــــه عمل بعمايلو في كل الحكومات من حكومة الغنوشي الي حكومة السبسي الي اخيرا الحكومة اللي قاعدة تتكون .الحاصل تونس يبدو انها ستظل و فية لعهدها و ستكون دائما و ابدا دولة الفساد و المؤسسات الي ان يريد الله غير ذالك. بعد ما كان محمد الغنوشي كل ما يطلع في نسمة يبكي يجي الان و يقولولنا اللي السيد هو اللي كان سبب في رفع تجميد اموال صخر الماطري ,و باعث القناة يتشد في الليل بتهمة التامر علي امن الدولة و من غدوة يسيبوه. ة الان عم عبد الســــــــــــــــــلام يمنع من السفر ليلا و من غدوة يقولولو اللـــــــــــــــــــــــه غالب سامحنا رانا غالطين. حاصلو الحمد للـــــــه تونس وفية للعادة متاعها و الشعب التونسي الكريم  خرج عن صمته مرة واحدة و يبدو انه اقسم بانه ليست هناك كرة. بارك الله في الفساد و المفسدين و اطال اللـــــــــه في عمر الصامتين الراضخين 

يعييني غباء النـــــــــــــــــــــــــــــــــــــــــــخبة

يعييني و يقسم ظهري و يفجر عروق الدم في دماغي و يفقدني املي الغباء و لكن يصيبني بالشلل عندما يكون الفاعل من اللذين يعتبرون انفسهم من النخبة. و اي نخبة في تونس انه من المفروض ان لا يتشدق عاقل بهذه الكلمة لانو الشعب هو اللي عطا الفرصة للكل بش يتكلم و كان فما ناس تستحق تصنيفها من النخبة لااهم الناس اللي تكلموا فبل الثورة و كلاو العصا و الناس هاذم برشا في تونس . المهم انو علي الاقل كيف يصنف واحد نفسو علي انو من النخبة لا بد له من التمتع ببعض ان لم نقل الكثير من الرصانة و الحكمة. و لا بد ان نعرف انو كل كلمة عندها دلالتها في العقل الباطن للبشر و ان كان الجو حماسي او لا فانو الكلام لازم يكون بقياس .الفارق الموجود من قبل الانتخابات هو بنفسو مازال حتي لتوة . فما احزاب تستغل كل شي في الميدان من اجل انها تضهر علي الساحة و تسمع صوتها و كيف تلقي غلطة مالاحزاب المنافسة توضها و تخدم بها اهداف الحزب و هذا اللي لازم الاحزاب اللي فشلت في التاسيسي تتعلم منو . الوحيد اللي يبدولي بدي يتعلم هو البوكت و ان شاء الله العافبة لبقية الاحزاب و كان نخبتكم راقدة من الاحسن تبدولها و تحطوا نخبة جديدة تكون اسم علي مسمي

Ibrahim El kassas: Mes respects:)

Bah voila après les résultats des élections et la découverte de la surprise "elaridha", j'ai lu beaucoup de moquerie a propos de cet homme. C'était bien sure que des préjugés, en le voyant sur "ettounsseya" j'ai admiré cet homme.

Ce qui distingue cet homme des autres perdants lors des élections c'est trois choses, la crédibilité, la volonté et l'initiative. Si quelques uns le trouve pas crédible, surement des milliers des tunisiens le fait confiance. L'initiative, c'est lui qui a contacter "elhechmi elhamdi" et qui a demandé de lui rejoindre toute en soulignant qu'il avait comme stimulant la prime de chômage et la gratuité des soins de santé. Enfin je souligne sa volonté, il a commencé sa campagne électoral "3la Karrita". Cet homme a réussi , alors que les "ma93ara" étaient dans ses costumes et très loin des Tunisiens.

الجراد هو الطريق نحــــــــــو الحكـــــــــــــــــــــــــــــــــــــــــــــــــــــــــــــــــــــــــــــم

عبد السلام جراد الامين العام للاتحاد. قوة جبارة في تونس و لكن مش مفهوم منين القوة هذه الكل.الناشطين في الانترنات جات فترة و قدموا العديد من الوثائق اللي فيها الكثير من الفضائح. الاتخاد العام التونسي للشغل كان دائما مؤسسة نقابية يكن لها كل التونسيين الاحترام.و لكن الغفلة علي عبد السلام خلاتو يعمل اللي يحب في كل حكومة جات. الاضرابات هي العدو رقم واحد لكل نهضة اقتصادية. سي عبد السلام حكم باضرابات عديدة وقت حكومة محمد الغنوشي و عمل اللي حب مع السبسي و مع صعود النهضة للحكم عاود مرة اخري و تقريبا اغلب القطاعات  شهدت اضرابات و سي عبد السلام عمل اللي يحب عليه مع الحكومة الجديدة. سي عبد السلام هو علي ما يبدو اكثر الناس سلطة في تونسنا منذ هرب المخلوع. و عبد الله المناشد للمخلوع  تحول بقدرة الله السميع العليم الي بطل قومي رفض مقابلة الرئيس السابق و لكن بعد شوية غلبو الضحك و مشالو. اذا كان المطلب الشعبي و الارادة الثورية قي القطع مع الماضي فانو من المؤكد انو تونس تبكي الدم لانو الجراد عمل فيها الكثير و اللي يؤلم اكثر هو انو الجراد ما قالو حد اقف غادي و التزم حدودك, القضاء علي الجراد اللي حطم الفلاحة في زمان بورقيبة كان من مسؤولية الجيش الوطني و القضاء علي جراد الاقتصاد و السياسة لا بد ان تكون من مسؤوليات القيادات السياسية اليوم. ايا كانت القوة السياسية اللتي ستعمل لايقاف الجراد عند حده ستتمكن من كسب شعبية كبيرة و ارجخ شخصيا ان تكون حركة النهضة هي السباقة في هذا لانها اليوم تمسك بمقاليد الحكم و ستسعي جاهدة حتي لا يفلت من يديها.

مخي واقف و لن اعدل عن قراري

المصدر الحصري اجتمع امام مقر النهظة اليوم العديد من انصار الحركة و ارجح انا ايظا العديد من غير انصاره ذلك ايمانا مني بانو التوانسة متحيليين. المطلب هو مطلب شرعي و هو بالطبيعة العلوش. كم انت لوووووول يا تونسي توة بالله هذا حديث ماشي لحزب تقولو اعطني علوش؟ ي والمسؤوليين زادة طلعوا لوول قالولهم الوضعية المالية للحركة لا تسمح بذالك مع انو الفلوس كاينة و ربي يخلف علي قطر. الحاصل يبدو انو اليوم بش يولي العلوش اختياري و لن اعدل عن قراري. والله مخك ياقف معناها قد ما تحب تفسر شي ما تلقاش حديث. الحاصل نقترخ انو نعملو امتحان الناخب في تونس والله نحكي بالحق نعملو امتحان يعديوه الناس قبل ما ينتخبو. الناس تنتخب علي 4 نساء و علي علوش و قناطر للطليان و معامل طيران و اللي عندو كل شئ بلاش هو الباشا اللي لازمنا ننتخبوه. اااااااه عليك يا غالية عانيت و تعاني و ربي يصبرك مازلت تعاني. 

رسالتي للدكتور المنصف المرزوقي

اولا هي ليست بالرسالة الطويلة و ما كنت لاكنبها لو لم تكن بالنسبة لي مثالا للسياسي المحنك و الوطني و لكن المني منك كثيرا انك تدعو للتمديد و الحجة اللتي تقدمها بالنسبة لي حجة واهية
. قلت في مرة ان فترة السنة ليست كافية و انك لو مثلا كنت وزيرا للصخة فان هذه الفترة ستكون كافية فقط لتحديد النقائص و مع نهاية العام ستكون فد انتهت مهمتك.
سيدي الكريم لماذا تلوم علي بورقيبة و بن علي اللذان ضنا انهما تونس و ان لا خيار بعدهما و انت اليوم تنسج علي منوالهما؟
سيدي الكريم اقولها و امضي تونس ليست بحاجة الي الاشخاص و انما تونس بحاجة للمؤسسات و السياسيات. ايا كانت الفترة الانتقالية فارجو ان يكون فيها العمل بضمير و يكون عملك من اجل الوطن لا من اجل امجاد شخصية لانو كيف يوفا العام تنجم تسلم المشعل للي بعدك و توريه الثنية و لكن كان من اول نهار و لينا نلوجو علي التمديد فيا خيبة المسعي.

قال الغنوشي: "إذا تحالفت تشكيلات صغيرة ضد النهضة في حال فوزها بالانتخابات فيمكنني القول حينها إنه انقلاب على الديمقراطية".

.المصدر جريدة الاهرام المصرية. حيث صرح زعيم حركة النهضة بان تحالف بعض القوي ضد النهضة هو بمثابة انقلاب علي الديمقراطية.و بهذه المناسبة السعيدة اتقدم بهذا التوضيح: التحالف لا يمثل باي حال من الاحوال انقلابا علي الديمقراطية يا سيدي الكريم و الاغلبية الوحيدة اللتي بالامكان ان تجعل من النهظة فائزة بالانتخابات يجب ان تكون اكثر من خمسون بالمائة

 

الحاصل هذه النسبة تكاد تكون مستحيلة و الرجلان اللذان كان بامكانهما التحصل علي هذه النسبة, الاول انتقل الي الرفيق الاعلي و الثاني يقضي ايامه الاخيرة بالسعودية الشقيقة

الخطا الاكبر من و جهت نضري هو انو حركة النهضة و رغم ما عرفته من قوة و حنكة سياسية هو اهمال جانب التحالفات, و الجميع يذكر ان خروج الشيخ عبد الفتاح مورو من الحركة بث الشك و بث فكرة انو عملية الانفصال عن النهضة ما هي الا مراوغة سياسية لكسب المزيد من الاصوات. الان حركة النهضة و بعد الانتخابات ستجد نفسها في مازق كبير و هو البحث عن حليف. و حليف النهضة يبدو و انه من المستخيل ان يكون من التيار التقدمي. و الشيخ راشد افاد في حوار له علي فرانس24 بانو حركة النهضة ستتحالف مع كل من سيقبل التحالف معها, فلمذا يقر الشيخ هنا لنفسه ما بنكره علي غيره؟

علاوة علي ذالك فان الدكتور المنصف المرزوقي يتغارل هو و حركة النهضة من اجل تحالف و لكن يبدو ان الدكتور يصد و يتودد لحركة النهضة في آن و الجميع يذكر ان الدكتور في الصراحة راحة انكر كل تحالف للنهضة و لكن ايضا افاد بان استطلعات الراي مدفوعة الاجر من حركات غير حركة النهضة لتكون حركة النهضة الاولي في الترتيب. و هو حسب رايي الشخصي تناقض ما كان ينبغي لدكتور مثل المرزوقي التصريح به. 

الخلاصة حركة النهضة ستجد نفسها امام تحالف ضخم قد لا يمكنها من تمثيل الاغلبة في المجلس التاسيسي, و يبدو ان القوة السياسية التي ستفصل مسالة الاغلبية سيكون من ابرزها حزب المرزوقي اللذي لم يبدي الي الان تحالفه مع اي حزب و في الاخير سيتمكن من املاء شروطه علي من يريد التحالف معه.  

كل هياكل الدولة كانت سياسية. و ليس هناك بوليس سياسي فقط.

البوليس عرف بالبطش و الفساد و القوة و الاستبداد و نال من كره المواطنين التونسيين النصيب الاوفر من الكره و الحقد. و استغل السياسيون بياعو الكلام كلمة البوليس السياسي كالملح يزيدونها في كل الحوارات السياسية. المهم انو حوار الناس هاذي حوار سخيف و لا هدف له الا استمالة عواطف الناخبين خصوصا و كما قلت ان المؤسسة الامنية هي الاوفر حظا من الكره في قلوب الناس.

المفيد انو ما لازمش الشعب و التوانسة ينساو انو المؤسسة الامنية مكسب و طني اسئ استغلاله سابقا و انو المحافضة عليه واجب كل تونسي حر غيور علي بلادو. الفكرة اليوم اني نذكر الشعب الكريم بانو كل مصالح و منشأت الدولة كانت مؤسسات تعمل لصالح حسابات المخلوع و المقربين له.  نذكر علي سبيل الحصر, المصالح المالية و المراقبة الجبائية و هي من المؤسسات التي اسئ استغلالها لابعد الحدود مع انو القانون يعطي سلطات جبارة لهذه المصلحة من اجل القيام بعملها كما يجب, نذكر ايضا الديوانة و التعليم و القضاء و حتي الرياضة. كل النضام التونسي نخر في جسده السوس و الرشوة و الفساد و ذالك ليس بفراغ القوانين و لكن بسوء التطبيق و استغلال النفوذ للمصالح الشخصية. النهاية الثورة اللي بدات في الشارع لا بد لها ان تنتقل لعقول 10 ملاين تونسي.

بن علي في حلق الوادي. كاميرا تحسيسية اكن لها كل الاحترام

بانسبة للعملية هذه اقف احتراما للمجهودات الي فام بها القائمين عليها. الدكتاتورية تنجم ترجع هذا للناس الي امنوا اللي الدكتاتورية خرجت من تونسنا العزيزة. اللي يشوف الوجوه يفهم الواقع متاع الناس في الفيديو  يفهم الاحساس اللي عاشوه التوانسة في الدقائق اللي علقت فيها تصويرة المخلوع. انا من الناس اللي نمن بانو الثورة التونسية كانت لتكون افضل بكثير و كان بالامكان للشعب التونسي ان يطهر البلاد من اغلب الضالمين لو كان في اعلي هرم السلطة من اراد ذالك. يعني انا نتصور حتي لو انو اعلي الهرم اناذاك يعني المخلوع قام بامساك الطرابلسية و البعض من الرموز لكان الزين اليوم في تونس و متربعا علي عرشه. و لكن رؤيتي للاحداث انو الجزء الاخر من هرم السلطة قرر التضخية ببن علي و عائلته دون الافصاح عن هويته. الناس اللي ضحات ببن علي تحت الضغط الهائل للشارع انذاك ضحات به و هي تخطط للعودة للسلطة. العودة للسلطة دون استثارة الشارع من جديد و بالطبيعة المجلس التاسيسي هو افضل اداة لكسب الوقت الكافي لاعادة تنضيم الصفوف و الخروج للشعب التونسي بالثوب الثوري الجديد. المجلس التاسيس فكرة السياسين و ليست فكرة شباب القصبة اللي هما توانسة و اخواتي و لكن وقت اللي سئلوا خن التاسيسي و مهامه عديد الاجابات كانت صادمة بالنسبة الي. 

هذا اضافة الي انو التونسي خرج ينادي بالاصلاحات و التشغيل و ايقاف المحسوبية و العدالة و الكثير من الاشياء الاخري اللي التاسيسي سيكون في خانة بعيدة ياسر علي المطالب هذه.

احترامي لهذه العملية التحسيسية هو انهم حطوا الاصبع عالجرح و اللي هو عودة الدكتاتورية.  في ثوب ثوري جديد. للاسف التاسيسي كان مطلب سياسي و ليس مطلب شعبي و المقارنة مع الصيغة الجديدة للدستور و الصيغة الفديمة ستكون دليل اخر انو التاسيسي خدعة سياسية لربح الوقت و انو الدكتاتورية بصدد نسجها لثوبها الثوري الجديد. دور الجميع هو التوعية و التبليغ و التحذير و التنوير. لانو لو كان الجهل و التغييب هي افضل تربة للدكتاتورية فانو الشعب الواعي هو افضل مناخ للديمقراطية.   

مسيرات اعتقني. ضعف سياسي فادح للاحزاب

هذا و بعد ان يبن سياسيو بعض الاحزاب غيابهم من الساحة و الشارع اثناء المضاهرات ضد نسمة فان محاولة الاستدراك جائت لتبين الغباء علاوة علي الغياب. المضاهرات ليس لها اي قدرة علي استمالة اصوات الناخبين. الحاصل الاحزاس السياسية في الاغلب بينوا بالكاشف انو التنضيم و النضام و التخطيط بعيد عليهم كبعد الثرا و الثريا. هالاحزاب بعد ما فاتتهم فرصة الالتحام بالشارع اثناء المضاهرات ضد برسوبوليس. يحاولو محاولة فاشلة لاعادة الاحتكاك. المحاولة نقول انو فاشلة من اجل عدة اسباب من بينها

اولا انو المضاهرات قاعدة تمشي من مدينة الي اخري. و يبدو هوني انو القيادة متاع الاخزاب نسات انو التونسي كيف يعمل طلة علي الفايسبوك و الا يهبط لقهوة الحومة يعرف الي صاير في تونس من بنزرس الي بنقردان. ثانيا انو في الموقف هذا كان يتوجب علي السياسين انهم يعملو بالمثل  الحديد يتاخذ علي حماوتو. الحاصل كما توجب الاشادة بدهاء سياسي النهضة فانه يتوجب الاشادة بالغياب الذهني و تاخر ردود الفعل من سياسي بعض الاحزاب اللي ضيعو علي رواخهم فرصة و حاولو بش يتداركو و لكن مخر شوية. 

دهاء النهضة يتوجب الاشادة به و تسليط الضوء عليه.

الفيلم المحنون اللي مفاماش شكون مااستغلوش عمل في تونس و في التوانسة. و السياسيين لعبتهم استمالة الراي العام و محاولة التاثير علي الناخبين . بعد ما تملي الشارع في كافة انحاء البلاد ضد نسمة و الفيلم برسوبوليس جاء اليوم الدور ليخرج الاطراف السياسية المقابلة و لكن في هذه المرة يتوجب علي الاشادة بدهاء النهضة اذ انو العديد من شباب الحركة التحق بالمضاهرة مبرزين انو حركتهم مع حرية التعبير. الشئ اللي بقية الاحزاب لم تستطع القيام به . الفايدة و للتذكير فانو حسب رايي الشخصي الموجة متاع المضاهرات اللي اجتاحة البلاد في الفترة الاخيرة ما هي الا و سيلة لاستمالة اصوات بعض الناخبين الي مازالو ما اختاروش او الي اختارو ولكن ينجمو يبدلو رايهم. 
( http://analyse-tunisie.blogspot.com/2011/10/qui-pourrait-se-cacher-derriere.html )

  النهضة و الحركات الاسلامية  بالضرورة كانو اكبر المستفيدين من المضاهرات ضد برسوبوليس و لكن حركة النهضة ايضا استطاعت ان تدخل في ميدان الخصوم و تكسب منه بعض النقاط. كما انو يجدر ان نذكر انو حركة النهضة تكاد تكون الحركة الوحيدة التي تعمل في المناطق الشعبية و المقاهي و الشوارع. من الاخير سياسي النهضة كانو الاكثر دهاء في هذه الفترة الحرجة و اضن انهم  كانوا الاكثر تاثيرا.