اي نعم هذا كان موش باين برشا بعد هروب صحيبنا بايام و لكن الشي بدا يكبر و يكبر و الله اعلم وين ماشي. نبداو باعظم المصائب و هي مصيبة الدين اي نعم و الله شئ مؤسف وقت اللي تشوف رجال من المفروض انهم رجال دين و يطلع بعد وفاة البوعزيزي و بش يمركي بونطو لا غير يقول الشهيد يا ولادي راهو موش عيب راهو حرام . انا من الممكن نتفهم انو انسان عادي من العامة يقول و عن حسن نية انو البوعزيزي شهيد و لكن رجال قراو المقاصد متاع الشريعة و فهموها مليح من المستحيل اني نفهم و نقول انو عن حسن نية او انو مقتنع بذالك. الشئ الوحيد اللي مقتنع بيه كالزمان هو انو الناس العامة يحبو يسمعو كلمة شهيد. الحاصل ربي يسامح عبادو و يهديهم و يرحم كل موتنا. اما يا سيدي الشئ اللي زاد في الطين البلة انو الحركات السياسية اللي بين قوسين دينية قعدت تستنا و تشوف في ردة فعل الشارع بعد فيلم بلاد فارس و قامت في البداية و نددت بالعنف كيف كيف فقط من اجل انو تمركي بونطو. و بعد فين و فين باش لقينا بعض البيانات اللي تلوم علي نسمة. و لقينا زادا دعوة للتضاهر من اجل حرية التعبير.
الحاجة اللي مش مفهومة ممكن للبعض انو حرية التعبير ليست بالحق المطلق و عمرها حرية التعبير ماهي بش تكون مطلقة في حتي مكان في العالم. يا ناس في كل بلاصة في ارض ربي الواسعة لا بد انو تكون فما ضوابط لحرية التعبير. مالا فما واحد في امريكا ينجم يشكك في الهولوكوست يعني المحرقة اليهودية ؟ بالطبيعة لا و مستحيل.
يا ناس راهو تنجم تكون مبدع و فنان و حساس وفقا لضوابط المجتمع اللي انت فيه. للاسف وحدة التوانسة الي قبل 14 جانقي تبخرت و كل واحد اصبح يقر لنفسه ما ينكره لغيره من التوانسة. التوانسة ما لازمهمش يفقدو الصفة الاساسية للنجاح و هي وحدة الشعب.
Aucun commentaire:
Enregistrer un commentaire